KOMUNIKATUA

 

Egun on.

2020ean hiru hilabetez itxita egon ondoren, Zelandiko instalazioak berriz ireki ahal izan genituen egunetik ia bi urte pasa dira. Ilusioz eta ahal genuen konfiantza eta segurtasun guztia eskaintzeko gogoekin bideari ekin genion eta etxeratze aginduen, ordutegien, aforoen eta beste neurrien aldaketaz beteriko bi urte hauen ondoren, elkarrekin gainditu dugu.

Lehenik eta behin, milesker.

Bide honetan zehar gure alboan egon izana eskertu nahi dizuegu, zuek gabe ezin izango baikenituzke gaur egun Altsasun dauzkagun kirol instalazioak eduki. Milesker baita ere denboraldi honetan zehar hartu behar izan ditugun neurriak eta, nahiz eta asmo hona edukiz, egin ditugun akatsak ulertzeagatik.

Igerileku klimatizatuak dauzkaten beste kirol instalazioetan bezala, elektrizitatearen eta gasaren prezio igoerak asko eragin gaituela jakinarazi nahi dizuegu.

Hasiera batean igoera hauen gainkostuak gure gain hartzen saiatu ginen, baina ezin eutsizko egoera bilakatu zenean, Altsasuko Udalarekin elkartu behar izan ginen elkarrekin arazo honi aurre egiteko plan bat antolatzeko. Udaletxeak egingo dituen ezohizko ekarpenei eta ordainketen malgutasunari esker, zerbitzu guztiak ordutegien, abonoen prezioen edo beste baldintzen aldaketarik gabe mantendu ahalko ditugu 2022ko ekainerarte, baina defizita murrizteko neurriak hartzeko beharrean gaude.

Hori dela eta, uztaila eta abuztu osoa Zelandiko ur gunea (igerilekuak eta saunak), itxita egongo dela jakinarazten dizuet. Elektrizitate eta gas gehien kontsumitzen duen eta udan gutxien erabiltzen den gunea da, horregatik erabaki dugu ohikoak diren bi aste ordez, zortzi astez ixtea.

Gimnasio aldiz, uda osoa irekita mantenduko da, abuztuko lehendabiziko bi asteak barne, igerilekuen itxieraren konpentsazio gisa.

Geldialdi hau egitera behartuak izan garen arren, ez dugu nahi alferrik izatea. Bi hilabete hauek efizientzia energetikoa hobetzeko, igerilekuetako klimatizazioaren kontrolak aldatzeko, eguzki panelen zirkuitoetan hainbat konponketa egiteko eta igerilekua hutsik egotea behar duten eta urte geneuzkan bi aste baino gehiago behar zituzten beste hainbat hobekuntza egiteko probestuko ditugu.

 

Milesker aldez aurretik egoera ulertzeagatik eta Dantzalekun elkar ikustearen esperoan,

 

 

Agur bero bat,

 

Beñat Ollo Irujo

ATABO ALTSASU-ko kudeatzailea